बाजुराको हिमाली गाउँपालिका ५ स्थित कवाडीमा १६ गते बेपत्ता भएका एकै परिवारका ५ जना मध्ये एक जनाको शव फेला परेको छ ।
जिल्ला प्रहरी कार्यालय बाजुराले ४ वर्षकी सन्तोषी नेपालीको शव भेटिएको जानकारी दिएको छ । अन्यको अवस्था अझै अज्ञात रहेको जिल्ला प्रहरी कार्यालय बाजुराका प्रमुख प्रहरी नायव उपरीक्षक मदन जित महराले जानकारी दिए ।
हिमाली गाउँपालिका ५ स्थित कवाडी बस्दै आएकी ३० वर्षीया सत्ता नेपाली १६ गते साँझ ५ वर्षीया छोरी आरती, ४ वर्षकी सन्तोषी, २ वर्षका छोरा सम्मान र एक वर्षीया छोरी किस्मती सहित बेपत्ता भएकी थिइन् ।
छोरा छोरी सहित कवाडी नदीमा नुहाउन गएकी उनी नुहाउने क्रममा बेपत्ता भएकी थिइन् ।
५ जना बेपत्ता भएको ९ दिन पछि एक जनाको शव फेला परेको हो । उनीहरुको बेपत्ता भएको करिब १० किलोमिटर तल सब फेला परेको महराले बताए ।
अन्यको खोजी कार्य भइरहेको उनले जानकारी दिए ।
