धनगढी – कञ्चनपुरका पत्रकार सुरेश धामीलाई कोरोना भाईरसको संक्रमण पुष्टि भएको छ।सेती प्रादेशिक अस्पताल प्रयोगशालामा गरिएको परीक्षणमा धामीलाई संक्रमण पुष्टि भएको नेपाल पत्रकार महासंघ कञ्चनपुरले जनाएको छ।
महासंघका अध्यक्ष विष्णु अवस्थीले धामीलाई कोरोना पुष्टि भएको जानकारी दिएका छन् । अवस्थीले उनको सम्पर्कमा आएका पत्रकारहरुलाई सेल्फ क्वारेन्टिनमा बसेर परीक्षण गराउन आग्रह गरेका छन् ।
धामी कञ्चनपुरका पहिलो संक्रमित पत्रकार भएका छन् । नेपाल पत्रकार महासंघ कञ्चनपुरका सल्लाहकार समेत रहेका धामी महेन्द्रनगरबाट प्रकाशित हुने अपिटुडे दैनिकका प्रकाश हुन्।
धामीको सेती प्रादेशिक अस्पतालमा उपचार भईरहेको छ।
