कञ्चनपुरमा मदिरा सेवन गरी होहल्ला गर्ने १५ जनालाई प्रहरीले पक्राउ गरेको छ।
जिल्लाको शुक्लाफाँटा नगरपालिका वडा नम्बर ८ पारीफाँटामा मदिरा सेवन गरी होहल्ला गर्ने १५ जनालाई नियन्त्रणमा लिईएको जिल्ला प्रहरी कार्यालयले जनाएको छ।
स्थानीय नरेश ठगुन्नाले सञ्चालन गरेको पसलमा मदिरा सेवन गरी होहल्ला गरिरहेको अवस्थामा पक्राउ गरिएको हो।
कार्यालयका प्रवक्ता प्रहरी नायब उपरिक्षक अमर थापाले ईलाका प्रहरी कार्यालय झलारीको टोलीले उनीहरुलाई पक्राउ गरी अनुसन्धान गरिरहेको जानकारी दिए।
