धनगढी । कैलालीको टीकापुर नगरपालिकामा कार्यरत एकजना कर्मचारीमा कोरोनो संक्रमण देखिएपछि नगरपालिका सिल गरीएको छ ।
एकजना पुरुष कर्मचारीमा कोरोना देखिएको टीकापुर नगरपालिकाका प्रमुख प्रशासकीय अधिकृत मोहन अर्यालले बताए । कर्मचारीमा कोरोना देखिएपछि नगरपालिका एक हप्ता सिल गरीएको प्रमुख प्रशासकीय अधिकृत अर्यालले जानकारी दिए ।
उनले नगरपालिकाका सबै कर्मचारीलाई होम क्वारेन्टाइनमा राखिने बताए । आइतबार सम्म सबै कर्मचारीको स्वाब संकलन गरिने अर्यालले जानकारी दिए । टीकापुर नगरपालिकामा आज मात्रै १० जनामा कोरोना देखिएको उनले जानकारी दिए ।
