धनगढी, १९ असोज । सुदूरपश्चिममा थप २९ जनामा कोरोना संक्रमण पुष्टि भएको छ । सेती प्रादेशिक अस्पताल र डडेल्धुरा अस्पताल २४ भएको कोरोना परीक्षण भएकोमा २९ जनामा संक्रमण पुष्टि भएको छ ।
सक्रमितहरु कैलालीका २२, कन्चनपुरका १, अछामका ५, डोटीका १ गरी २९ जनामा कोरोना पुष्टि भएको हो । सेती प्रादेशिक अस्पतालको प्रयोगशालामा पछिल्लो २४ घण्टामा ४ सय ७५ जनाको कोरोना परीक्षण भएकोमा थप २३ जनामा संक्रमण पुष्टि भएको हो ।
प्रादेशिक अस्पतालका सूचना अधिकारी दिलिप कुमार श्रेष्ठले दिएको जानकारी अनुसार धनगढी उप–महानगरपालिका वडा नम्वर १ र ३ का ५÷५ जना, वडा नम्वर ८ का २ जना, वडा नम्वर ५ र १६ का १÷१ जनामा संक्रमण पुष्टि भएको छ ।
लम्की चुहा नगरपालिकाका ६ जना, गोदावरी नगरपालिकाका २ जना र कञ्चनपुरको बेलौरीका १ जनामा संक्रमण पुष्टि भएको सूचना अधिकारी श्रेष्ठले जानकारी दिनु भयो ।
यस्तै डडेल्धुरा अस्पतालको प्रयोगशालामा ५ जनामा कोरोना पुष्टि भएको छ । प्रयोशालामा परीक्षणमा गर्दा अछामका ५ र डोटीका १ जनामा कोरोना पुष्टि भएको डडेल्धुरा अस्पतालले जनाएको छ ।
योसंगै सुदूरपश्चिम प्रदेशमा कोरोना संक्रमितको संख्या ७ हजार ६ सय ६१ पुगेको छ भने संक्रमण पुष्टि भएका झण्डै ६ हजार ६ सयले कोरोना जितेका छन । कोरोना पुष्टि भएका १८ जनाको मृत्यु भएको छ ।
