भारतमा पछिल्लो दिनहरुमा कोरोना संक्रमित र मृत्यु हुनेको संख्या घट्दै गइरहेको छ । केहि दिनअघि सम्म एकदिनमै ८० देखी ९० हजारसम्म कोरोना संक्रमित फेला परेको भारतमा अहिले संक्रमित घट्दै गइरहेको छ ।
वर्ल्डोमिटर्सको तथ्यांक अनुसार यो समाचार तयार पार्दासम्म पछिल्लो २४ घण्टामा भारतमा ५९ हजार ८ सय ९३ जना कोरोना संक्रमित फेला परेका छन् । यससँगै भारतमा कोरोना संक्रमितको कुल संख्या ६६ लाख ८२ हजार ७३ पुगेको छ ।
त्यस्तै पछिल्लो २४ घण्टामा भारतमा ८ सय ८६ जनाको कोरोनाबाट मृत्यु भएको छ । यससँगै भारतमा कोरोनाबाट मृत्यु हुनेको संख्या १ लाख ३ हजार ६ सय पुगेको छ ।
त्यस्तै हालसम्म ५६ लाख ५९ हजार १ सय १० कोरोना संक्रमित उपचारपछि निको भइसकेका छन् । भारतको महाराष्ट्र राज्य, तमिल नाडु, मुम्बइ, गुजरात लगायतका ठुला शहरहरु कोरोनाका कारण बढी प्रभावित भएका छन् ।
