काठमाडौं- सार्वजनिक बसमा १६ वर्षीया किशोरीलाई बलात्कार गरेको अभियोगमा दुई जना पक्राउ परेका छन्। पक्राउ पर्नेमा सिन्धुपाल्चोकको साँगाचोक गढी नगरपालिका–१० घर भएका चालक २२ वर्षीय निरकुमार खड्का र सह–चालक २१ वर्षीय सूर्य श्रेष्ठ रहेको महानगरीय प्रहरी परिसर, भक्तपुरले जनाएको छ।
अर्का एक व्यक्ति फरार रहेको प्रहरीले जानकारी दिएको छ। भक्तपुरको लिवालीमा रोकिराखेको बा३ख २६१२ नम्बरको बसमा चालक खड्का र सह–चालक श्रेष्ठसहित तीन जनाले जबरजस्तीकरणी गरेको किटानी जाहेरी परेको छ।
भक्तपुरको चाँगुनारायाण नगरपालिका–८ लिवालीमा एउटा गाडीमा राखिएर आफूमाथि बलात्कार गरिएको उनले बयान दिएकी छन्। त्यसपछि युवतीलाई बा ३ ख २६१२ नम्बरको बसमा राखेर चालक खड्का र सहचालक श्रेष्ठले पटकपटक युवतीलाई जबरजस्ती करणी गरेको पाइएको भक्तपुर प्रहरीले बताएको छ।
पीडित युवतीको जिल्ला अस्पताल, भक्तपुरमा स्वास्थ्य परीक्षण भइसकेको र फरारको खोजी भइरहेको प्रहरीले जनाएको छ।
