बझाङ – बझाङको मष्टा गाउँपालिका वडा नं.२ खिकालाकी बालिकाको बुधबार दाहसंस्कार गरिएको छ । असोज ७ गते शिममान्डौमा बलात्कार पछि हत्या गरिएकी १२ बर्षिया सम्झना कामीको बुधबार ८ दिन पछि शव विसर्जन गरिएको हो ।
मंगलबार जिल्ला प्रहरी कार्यालय बझाङले पत्रकार सम्मेलन गरि मष्टा गाउँपालिका २ घर भएका २० बर्षिया राजेन्द्र बोहोरालाई अभियुक्त सार्वजनिक गरेको थियो । अस्पताल सिमखेतमा राखिएको बालिकाको शव सम्झनाका आफन्तले आज बुझेका थिए ।
जिल्ला अस्पतालबाट सम्झनाको शव बुझ्दै गोरख कामीले दोषीलाई कारबाही हुन्छ भनेर आफुहरुले शव बुझेको र अदालतबाट फैसला नहुँदासम्म सम्झनाको न्यायका लागिसंर्घष जारी राख्ने बताउनु भयो । मंङ्गलबार जिल्ला प्रशासन कार्यालयमा बसेको सर्वदलिय बैठकमा समेत बालिकाको शव आफन्तले बुझ्ने सहमति भएको थियो । नेपाल सरकार गृहमन्त्रालयका सचिवले फोन मार्फत बालिकाका आफन्तलाई १० लाख रुपैयाँ दिने बताएको सहायक प्रमुख जिल्ला अधिकारी तथा सूचना अधिकारी रामबहादुर सार्कीले बताउुनु भयो ।
