धनगढी । कैलालीमा मोटरसाईकल एकआपसमा ठोक्किदा दुईजना घाईते भएका छन् । जिल्लाको धनगढी उप–महानगरपालिका वडा नम्बर १३ को मोहनपुरमा पश्चिमबाट पूर्व जादै गरेको लु ६०प ८९१० नम्बरको मोटरसाईकल र विपरीत दिसाबाट आइरहेको से६ प ९३९० नम्बरको मोटरसाईकल एक आपसमा ठोक्किदा दुईजना घाईते भएका हुन्।
प्रदेश ट्राफिक प्रहरी कार्यालय अत्तरियाका अनुसार घाईते हुनेमा लु ६० प ८९१० नम्बरको मोटरसाइकल चालक धनगढी १३ का २४ वर्षीय रामचन्द्र चौधरी र अर्को मोटरसाइकल चालक गौरीगंगा नगरपालिका ४ का ३१ वर्षीय पदम बडैला रहेका छन् । उनीहरु दुवैजनाको माया मेट्रो अस्पतालमा उपचार भइरहेको छ।
