डडेल्धुरा : डडेल्धुराको भित्र मधेसमा पर्ने परशुराम नगरपालिका ३ शीर्षबाट अवैध काठसहित २ जना पक्राउ परेका छन्। उनीहरूलाई सव डिभिजन वन कार्यालय परशुराम र प्रहरीको टोलीले शुक्रबार राति ११ बजे पक्राउ गरेको हो।
राति अवैध काट ओसारी रहेको ट्याक्टर र दुई जना व्यक्तिलाई नियन्त्रणमा लिइएको वन कार्यालय परशुराम जोगबुडाका सहायक वन अधिकृत दीपेन्द्र केसीले जानकारी दिए। उनका अनुसार चिरान गरेको सालको २५ थान कडी बरामद गरिएको हो।
‘बरामद गरिएको काठ अहिले हाम्रो कार्यालयमा सुरक्षित साथ राखेका छौँ।’ उनले भने,’नियन्त्रणमा लिइएका दुईजना इलाका प्रहरी कार्यालयमा हुनुहुन्छ। आज उहाँहरूलाई जिल्ला पठाउछौँ।’ अहिले मुचुल्का बनाउने काम भइरहेको उनले जानकारी दिए।
