कैलाली : सुदूरपश्चिम प्रदेशमा ७४ जना कोरोना संक्रमण मुक्त भएका छन् ।
प्रदेशको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले कैलालीका ५७, बाजुराका ९, कञ्चनपुरका ५, डोटीका दुई र बझाङका एक गरी ७४ जनालाई डिस्चार्ज गरिएको जानकारी दिनुभयो । योसँगै प्रदेशमा पाँच हजार ८ सय ५५ कोरोना संक्रमित निको भएका छन् ।
स्वास्थ्य तथा जनसंख्या मन्त्रालयले सुदूरपश्चिममा संक्रमितको संख्या ७ हजार ४० पुगेपनि प्रदेश स्वास्थ्य निर्देशनालयले भने कर्णाली प्रदेशमा भएको परीक्षणको अपडेट नगर्दा संक्रमितको संख्या ६ हजार ८ सय ३० पुगेको जनाएको छ ।
उनीहरुमध्ये १६ जनाको मृत्यु भइसकेको छ । प्रदेशमा संक्रिय संक्रमितको संख्या नौँ सय ६२ रहेको छ ।
सबैभन्दा बढी कैलालीमा ४ सय ७६, डोटीमा १ सय ३२, अछाममा १ सय, बझाङमा ९५, बैतडीमा ७९, कञ्चनपुरमा ३३, दार्चुलामा ३१, डडेल्धुरामा १६ जना संक्रिय संक्रमित रहेका छन र बाजुरामा हाल संक्रमितको संख्या शुन्य रहेको छ ।
