दुबई – १३ औं इण्डियन प्रिमियर लिग आईपीएल अन्तर्गत भएको पहिलो खेलमा चेन्नई सुपर किङ विजयी भएको छ ।
चेन्नई ले मुम्बई इण्डियन्सलाई ५ विकेटले हराएको छ । टस हारेर ब्याटिङको निम्तो पाएको मुम्बईले २० ओभरमा ९ विकेट गुमाउँदै १६२ रनको सम्मानजन्य योगफल तयार पारेको थियो । ४८ रनमा शुरुवाती दुई विकेट गुमाएको मुम्बईका लागि मध्ये क्रमका ब्याट्सम्यानहरुले उत्कृष्ट प्रदर्शन गरे । सौरब तिवारीले ४२ रन बनाएका थिए । उनले ३१ बलमा ३ चौका र १ छक्का प्रहार गरेका थिए । यस्तै डिककले २० बलमा ५ चौका प्रहार गर्दै ३३ रन बनाएका थिए । यस्तै किरण पोलाडले पनि १४ बलमा १८ रन बनाएका थिए । जस्प्रित बुम्राह, ट्रेन्ड बोल्ट, जमेस पटिसन, कुनाल पाण्ड्या र राहुल चहर ले एक एक विकेट लिए ।
१६३ रनको लक्ष्य पछ्याएको चेन्नईले १९.२ ओभरमा ५ विकेट घुमाउदै जित हासिल गरेको छ । उसका लागि अम्बाती राउडुले सर्वाधिक ७१ रन बनाए । राउडु बाहेक डुपलेसिले ५४,स्यम करनले १८ रन बनाउँदै । मुम्बईलाई हराउनका लागि लुङी ले ३ र दिपक चहर र श्यम करनले दुई दुई विकेट लिए ।
आइपिएलमा आज आइतबार दिल्ली क्यापिटल्समा र किङ इलेभेन पन्जाब बीच प्रतिस्पर्धा हुनेछ।
दिल्ली क्यापिटल्समा आबद्ध नेपाली बलर सन्दिप लामिछाने भने याे खेलमा प्लेइङ सेटमा पर्न कम सम्भावना भएको देखिन्छ ।
