आर.एल समीर/ कञ्चनपुर- कञ्चनपुरको पुनर्वास नगरपालिकाका ३९ जना मुक्त हलिया परिवारले यस वर्ष आफ्नै घरमा बस्न पाउने भएका छन् ।
गत अार्थिक बर्षमा भुमिसुधार तथा मालपाेत कार्यालयबाट पुनःस्थापना भएका `क´ वर्गका ३९ जना मुक्त हलिया परिवारका घर निर्माण कार्य हुन लागेका हाे।
सबै मुक्त हलिया परिवारको घर निर्माणको कार्य अन्तिम चरणमा पुगेकाे निर्माण समितिका सचिव लक्ष्मण वि.कले बताएका छन। यस्तै भुमिसुधार तथा मालपोत कार्यालयबाट दुई किस्तामा २ लाख पच्चीस हजार पाएका थिए।
भने हेभिटाट नेपाल र राष्ट्रिय हलिया मुक्ति समाजकाे साझेदारीमा प्रति घरमा १ लाख पचास हजार भन्दा बढि लागत निर्माणका साथै प्राविधिक र सामाजिक परिचालक सहयाेग रहेकाे छ।
यस्तै ट्वलेट निर्माणका लागि पुनर्वास नगरपालिकाले ३ लाख लागत बराबरकाे सहयाेग गर्ने प्रतिबद्ध समेत जनाएका छ। ती सबै घर शौचालय सहितको दुई कोठाका छन् । घर निर्माण कार्य शुरु गरिएपछि मुक्त हलिया खुुसी छन् ।
