काठमाडौं, २६ भदौ । कोरोना संक्रमणको जोखिम बढेपछि विभिन्न देशमा रहेका नेपालीहरु स्वदेश फर्कनेक्रम तीव्र भएको छ ।
गत चैत ११ गतेदेखि कोरोना संक्रमणको लक्षण देखापर्न थालेपछि सरकारले विदेशबाट आउने सबै विमान सेवालाई रोक लगाएपछि स्वदेश फर्कने क्रममा रहेका हजारौं नेपाली अलपत्र परेका थिए ।
सरकारले विदेशमा अलपत्र परेका नेपालीलाई चार्टड उडानबाट नेपाल ल्याउन थालेपछि अहिलेसम्म ६० हजार २ सय ७२ जना नेपाली स्वदेश फर्कका छन्।
सरकारले अहिलेसम्म ३० मुलुकबाट ती नेपालीलाई विभिन्न विमान कम्पनीमार्फत नेपाल ल्याउन सफल भएको बताएको छ ।
