सुदुरपश्चिमका पहाडी जिल्लाहरुमा बर्षा भएपछि कैलालीका नदीहरुमा बाढी आएको छ । यहाँको गोदावरी , कर्णाली , मोहना पथरैया, काडा, कान्द्रा, खुटिया लगायतका नदीहरुमा बाढी आएको हो ।
तराईका जिल्लाहरुमा ठूलो बर्षा नभएपनि पहाडी जिल्लाहरुमा भएको बर्षाले माथिवाट बाढी आएको स्थानियहरुले बताएका छन् । नदीहरुमा जलस्तर वढेपछि तटीय क्षेत्रका वासिन्दाहरुलाई सर्तक रहन आग्रहगरिएको छ ।
पूर्वानुमान महाशाखाले मनसुन सक्रिय हुने र बाढी पहिरोको जोखिम रहने भएकाले आवश्यक पूर्वतयारी र सावधानी अपनाउन आग्रह गरेको हो । मौसम पुर्वानुमान महाशाखाका अनुसार मनसुन सक्रिय हुन लागेकाले अब फेरि विस्तारै पानी पर्ने क्रम बढ्दै जानेछ ।
मौसमविद्का अनुसार सुदूरपश्चिम प्रदेश तथा कर्णाली प्रदेशका थोरै ठाउँमा ठुलो र एक दुई ठाउँमा भारी बर्षाको सम्भावना रहेकाले निकै साबधानी अपनाउन भनिएको छ ।
