कञ्चनपुर । कञ्चनपुरको बेलौरीबाट हतियार सहित एक जना युवक पक्राउ परेका छन । सशस्त्र प्रहरीले बेलौरी नगरपालिका वडा नम्बर १० भुडा बस्ने २४ वर्षीय खुसी राम चौधरीलाई हतियार सहित पक्राउ गरिएको जनाएको छ ।
पक्राउ परेका चौधरीको साथबाट एक थान कटुवा पेस्तोल र २ राउन्ड गोली समेत बरामद गरेको सशस्त्र प्रहरी बल बिओपी भुडाका सशस्त्र प्रहरी सहायक निरीक्षक राजेन्द्र प्रसाद भट्टले बताए ।
पक्राउ परेका चौधरीलाई थप अनुसन्धानका लागि इलाका प्रहरी कार्यालय बेलडाँडीको जिम्मा लगाइएको छ ।
