अछाम १९ भदौ । अछामको कैलाश खोलामा शुक्रबार एक महिला मृत अवस्थाका फेला परेकी छन् । जिल्लाको मंगलसेन नगरपालिका वडा नम्बर -९ की २६ वर्ष रेश्मा कुँवर रावल कैलाश खोलाको किनारमा मृत अवस्थामा फेला परेको जिल्ला प्रहरीले जनाएको छ ।
प्रहरीका अनुसार हिजो साझ खाना ढिला पकाएको बिषयमा रेश्माको श्रीमान् निरजसंग सामान्य बिवाद भएको थियो । हिजो राती ११ बजेसम्म घरमै रहेकी रेश्माको शब आज बिहान कैलाश खोलाका भेटिएको जिल्ला प्रहरी कार्यालय अछामका सुचना अधिकारी प्रहरी निरिक्षक रमेशदत्त अवस्थीले जानकारी दिए । घटनाबारे अनुसन्धान भईरहेको प्रहरीले जनाएको छ ।
