धनगढी, १८ भदौ । सुदूरपश्चिम प्रदेशमा आज ६१ जनामा कोरोना पुष्टि भएको छ । सेति प्रादेशीक असपताल, डडेल्धुरा अस्पताल र डोटी जिल्ला अस्पतालको प्रयोगशालामा भएको परीक्षणमा थप ६१ जनामा संक्रमण पुष्टि भएको हो ।
सेती प्रादेशिक अस्पतालको प्रयोगशालामा भएको परीक्षणमा थप ५० जनामा कोरोना पुष्टि भएको छ ।
सेती प्रादेशिक अस्पतालमा पछिल्लो २४ घण्टामा ४सय ८५ जनाको कोरोना परीक्षण भएकोमा ५० जनामा संक्रमण पुष्टी भएको हो ।
१८ महिला र ३२ पुरुष गरी ५० जनामा संक्रमण पुष्टि सेती प्रादेशिक अस्पतालका सूचना अधिकारी दिलिप कुमार श्रेष्ठले बताए । संक्रमण पुष्टी हुनेमा ४८ जना कैलालीका १ जना कञ्चनपुरका र एक जना ठेगाना नखुलेका छन् ।
डडेल्धुरा प्रयोगशालामा गरिएको परीक्षणमा थप ८ जनामा कोरोना भाईरसको संक्रमण पुष्टि भएको छ । पछिल्लो २४ घण्टामा २सय ४४ जनाको परीक्षण गरिएकोमा ८ जनामा कोरोना पुष्टि भएको प्रयोगशाला इन्चार्ज ईश्वरीप्रसाद भुसालले जानकारी दिए । भुसालका अनुसार डोटीका ४, अछामका २, बझाङका १ र दार्चुलाका १ जनामा संक्रमण पुष्टि भएको हो ।
डोटीको जोरायल गाउपालिकाका ४ जना, अछामको मेल्लेख र चौरपाटी गाउपालीकामा १र१ जना, बझाङको बुङ्गल नगरपालिकाका १ जना र जिल्ला प्रहरी कार्यालय दार्चुलामा कार्यरत एक जना प्रहरीमा पनि सक्रमण देखिएको इन्चार्ज भुसालले बताए । उता डोटि अस्पतालको प्रयोगशालामा भएको परीक्षणमा ३ जनामा कोरोना संक्रमण पुष्टि भएको छ । पछिल्लो २४ घण्टामा २ सय १० जनामा गरिएको परीक्षण भएकोमा ३ जनामा संक्रमण पुष्टि भएको हो ।
डोटि अस्पतालका ल्याव ईन्चाज शौरभ श्रेष्ठका अनुसार संक्रमण पुष्टी हुनेमा सबै अछामका हुन । अछामको चौरपाटी गाउँपालीका वडा न.२,४, ७ का ३ जना पुरुषमा संक्रमण पुष्टी भएको हो । यो सँगै सुदूरपश्चिममा कोरोना संक्रमितको संख्या ६ हजार १ सय ३८ पुगेको छ । संक्रमण पुष्टि भएका पाँच हजारले कोरोना जितेका छन भने १४ जना संक्रमितको मृत्यु भईसकेको छ ।
