एजेन्सी– इंग्लिस प्रिमियर लिग अन्तर्गत गएराति सम्पन्न खेलमा वेस्ट हामले वाटफोर्डमाथि सहज जित निकालेको छ। वेस्ट हामको लन्डन रंगशालामा सम्पन्न खेलमा उसले ३–१ गोल अन्तरको जित निकालेको हो।
जितका लागि माइकल एन्टोनियो, थोमस सोउसेक र डेसियन राइसले गोल गरे। एन्टोनियोले खेलको छैटौं मिनेटमै गोल गर्दै घरेलु टिमलाई सुरुवाती अग्रता दिलाए। त्यस्तै त्यसको ४ मिनेट नबित्दै सोउसेकलेगोल गरे। र, अग्रता दोब्बर बनाए।
राइसले खेलको ३६ औं मिनेटमा गोल गरेपछि वेस्ट हाम पहिलो हाफमै तीन गोलले अघि रह्यो। दोस्रो हाफमा भने घरेलु टिमले गोल गर्न सकेन। वाटफोर्डका ट्रोनि डिनीले सान्त्वना गोल गरे।
जिसँगै वेस्ट हामको ३७ अंक छ। ऊ अंकतालिकाको १५ औं स्थानमा छ भने पराजित वाटफोर्ड ३४ अंकका साथ १७ औं स्थानमा छ।
