छोरीलाई बलात्कार गरेको अभियोगमा बाबु पक्राउ परेका छन्। सात वर्षीय छोरीलाई बलात्कार गरेको अभियोगमा ४० वर्षीय व्यक्ति पक्राउ परेका हुन्।
महानगरीय प्रहरी वृत्त, बानेश्वरले मंगलबार साँझ उनलाई पक्राउ गरेको प्रहरीले जनाएको छ।
प्रहरीका अनुसार आमाले जबरजस्तीकरणी सम्बन्धी कसूरमा किटानी जाहेरी दिएपछि पक्राउ गरेर अनुसन्धान थालिएको छ।
प्रहरीका अनुसार बालिकाले यौनाङ्ग दुख्यो भनेपछि आमाले उपचारका लागि अस्पताल लगेकी थिइन्। त्यसक्रममा बाबुले पटकपटक बलात्कार गरेको खुलेको प्रहरीको भनाइ छ।
