कैलाली । कैलालीको धनगढीमा रहेको निसर्ग हस्पिटलका चार जना कर्मचारीलाई कोरोना संक्रमण पुष्टि भएको छ । धनगढीको सेती प्रादेशिक प्रयोगशालामा गरिएको परिक्षणमा दुई जना नर्स र दुई जना सफाई कर्मचारीमा कोरोना पुष्टि भएको हो ।
भदौ ९ गते निसर्ग हस्पिटलको आईसियुमा उपचाररत एक जना बिरामीलाई कोरोना संक्रमण देखिएपछि बिरामीको सम्पर्कमा भएका सवै कर्मचारीहरुलाई होटेलमा क्वारेन्टाइनमा राखिएको थियो ।
क्वारेन्टाइनमा रहेका तथा अन्य गरेर एक सय ३५ जना कर्मचारीहरुको कोरोना परिक्षण गर्दा दुई जना नर्स र दुई जना सफाई कर्मचारीहरुमा कोरोना पोजेटिभ आएको छ । कर्मचारीहरुमा कोरोना देखिए पनि अस्पतालका सवै सेवाहरु भने सुचारु नै रहेको निसर्ग अस्पतालले जनाएको छ ।
