साउदी अरबको सरकारी तेल कम्पनी अरामले देशको उत्तरी क्षेत्रमा दुई नयाँ तेल र ग्याँस फिल्ड भेटाएको छ । साउदी अरबका उर्जामन्त्री प्रिन्स अब्दुल अजीज बिन सलमानले साउदीको आधिकारिक साउदी न्युज एजेन्सी एसपिएलाई यस्तो जानकारी दिएका हुन् ।
मन्त्रीका अनुसार यो एक प्राकृतिक ग्याँस फिल्ड अल जाफ इलाकामा भेटिएको हो । यसलाई हदबत अल(हजरा नाम दिइएको छ । त्यसैगरी एक तेल र ग्यासको फिल्ड उत्तर सीमामा भेटिएको छ ।
जसलाई अबरक अल(तुलुल नाम दिइएको छ ।हदबत अल(हजराबाट हरेक दिन १६ मिलियन क्युबिक फिट प्राकृतिक ग्याँस र १९४४ ब्यारेल कंडेनसेटको उत्पादन हुनसक्ने बताइएको छ ।
त्यस्तै अबरक अल(तुलुलबाट हरेक दिन ३ हजार १८९ ब्यारेल अरब सुपर लाइट क्रूड निकाल्न सकिने र १।१ मिलियन क्युबिक फिट ग्याँस निकाल्न सकिने बताइएको छ ।
यो बाहेक अन्य एक फिल्डबाट हरेक दिन २।४ मिलियन क्युबिक फिट ग्यास र ४९ ब्यारेल कंडेनसेट उत्पादन हुनसक्ने बताइएको छ ।
मन्त्री प्रिन्सले अरामले दुवै फिल्डमा अनुसन्धान जारी राख्ने र यसबाट निस्किने ग्याँस र तेलको मात्रा निर्धारित गर्न कुवा खन्ने जानकारी दिएका छन् ।
यस अघि केहि दिन अघि टर्कीले समेत ३२० अरब क्युबिक फिटको प्राकृतिक ग्यास भण्डार भेटिएको घोषणा गरेको थियो ।
