सिन्धुली: एसईई नतिजामा कम नम्बर दिएको भन्दै सिन्धुलीको सुनकोसी गाउँपालिका –७ मझुवामा रहेको गणेश माविका विद्यार्थीहरुले प्रधानध्यापक र शिक्षकमाथि कुटपिट गरेका छन्।
एसईईमा नम्बर कम दिएकाले नतिजा नराम्रो आएको भन्दै विद्यार्थीहरुले आइतबार प्रधानाध्यापक नेत्रबहादुर सुनुवार र अंग्रेजी शिक्षक चित्रबहादुर भण्डारीलाई कुटपिट गरेका हुन्।
विद्यार्थीले कार्यालयमा आएर पहिला हेडसरको मुखमा हिर्काएको र अर्का शिक्षकलाई कुटपिट गरेको एक शिक्षकले बताए। विद्यार्थीहरुको कुटपिटबाट प्रधानाध्यापक सुनुवारको नाथ्री फुटेर रगत बगेको र ओठसमेत काटेको छ भने अर्का शिक्षक भण्डारीको जिउमा निलडाम छ।
दुवैजनाको स्थानीय स्वास्थ्य चौकीमा प्राथमिक उपचार गरिएको छ भने घटना बारे इलाका प्रहरी कार्यालय खुर्कोटलाई समेत जानकारी गराइएको छ।
