डडेल्धुराः डडेल्धुराको गन्यापधुरामा रहेको एसबिआई बैंक शाखाले विद्यार्थीहरुलाई सहयोग हस्तान्तरण गरेकोछ । श्री दरपुर आधारभूत विद्यालयका विद्यार्थीहरुलाई सहयोग गरिएको हो ।
नेपाल एसबिआई बैंक लिमिटेड, गण्यापधुरा शाखाले आफ्नो संस्थागत सामाजिक उत्तरदायित्व अन्तर्गत गण्यापधुरा गाउँपालिका–२, कोरगाउँस्थित श्री दरपुर आधारभूत विद्यालयमा सामाजिक सेवा कार्यक्रम हिजो (शुक्रवार) सम्पन्न गरेको हो।
उक्त कार्यक्रममा विद्यालयका विद्यार्थीहरूलाई ट्र्याकसुट वितरण गरिएको थियो। साथै, विद्यार्थी तथा अभिभावकहरूको वित्तीय पहुँच अभिवृद्धि गर्ने उद्देश्यले ४५ वटा बचत खाता पनि खोलिएको शाखाले जनाएको छ।
कार्यक्रमले विद्यार्थीहरूमा आत्मविश्वास बढाउनुका साथै अभिभावकहरूलाई बैंकिङ सेवासँग जोड्न सहयोग पुगेको शाखाका प्रमुख रञ्जन सिंहले जानकारी दिनुभयो। उहाँले भविष्यमा पनि यस्ता सामाजिक तथा वित्तीय साक्षरतामूलक कार्यक्रमलाई निरन्तरता दिने प्रतिबद्धता व्यक्त गर्नुभयो।
विद्यालय परिवार तथा स्थानीय समुदायले बैंकको यस सहयोगप्रति धन्यवाद व्यक्त गर्दै यस्ता कार्यक्रमले शैक्षिक वातावरण सुदृढ हुने विश्वास व्यक्त गरेका छन्
