बैतडी । बैतडीको मेलौलीका एक ब्यक्ति बलात्कार प्रयासको आरोपमा पक्राउ परेका छन् । मेलौली नगरपालिका वडा न. ५ का ४५ बर्षीय केशब चन्दलाई बलात्कार प्रयासको आरोपमा पक्राउ गरिएको हो ।
थुनिएका चन्दलाई अहिले इलाका प्रहरी कार्यालय पाटनको हिरासतमा राखिएको छ । स्थानिय एकल महिलालाई बिहिवार राति साढे १ बजे मादक पर्दाथ सेवन गरी कोठामै गएर बलात्कारको प्रयास गरेको आरोपमा चन्दलाई थुनिएको इलाका प्रहरी कार्यालय पाटनका इन्चार्ज, प्रहरी निरिक्षक धनदेब साउँदले बताए ।
चन्दले महिलालाई हातपात गर्दा हो–हल्ला गरेकाले चन्द भागेको बताइएको छ । आरोपित चन्द बिरुद्ध मुद्धा दर्तागरि अहिले अनुसन्धान जारी रहेको प्रहरीले जनाएको छ ।
