डडेल्धुराः डडेल्धुराको परशुराम नगरपालिका–७ साँदनीकी २७ वर्षीया भुवानी पाण्डेय भट्टको सुत्केरीपछिको जटिलताका कारण निधन भएको छ। साउन १३ गते साँझ सुत्केरी व्यथा लागेपछि राति ९स्४५ बजे उनी स्थानीय साँदनी स्वास्थ्य चौकीमा भर्ना भएकी थिइन्। साउन १४ गते बिहान ७स्१८ बजे तेस्रो सन्तानका रूपमा छोराको सुरक्षित जन्म दिए पनि सुत्केरीपछिको प्रक्रियामा समस्या देखिएको थियो। सालनाल समयमा नआएको र अत्यधिक रक्तस्राव भएपछि उनलाई तत्काल जोगबुडा अस्पताल रेफर गरिएको थियो। तर, त्यहाँ आवश्यक उपचार सम्भव नभएपछि भुवानीलाई थप उपचारका लागि धनगढीस्थित सेती प्रादेशिक अस्पताल लगिएको थियो। आइसियुमा राखेर उपचार भइरहेकै क्रममा आज बिहान करिब ११ बजे उनको निधन भएको वडा नं। ७ का अध्यक्ष कर्ण बहादुर धामीले पुष्टि गरे।
नवजात शिशुको अवस्था भने सामान्य रहेको जनाइएको छ।
