काठमाडौं— राजधानीमा सम्पन्न आठौं साईपाल एकेडेमी SEE 3X3 बास्केटबल प्रतियोगितामा भिजनरी इन्ष्टिच्युसन विजयी भएको छ। उत्कृष्ट खेल कौशल, टिम स्पिरिट र अनुशासनको बलमा भिजनरीले फाइनल खेलमा प्रतिस्पर्धी टोलिलाई पराजित गर्दै उपाधि उचाल्न सफल भयो।
प्रतियोगितामा भिजनरी इन्ष्टिच्युसनका खेलाडीहरूले सुरुदेखि अन्त्यसम्म आक्रामक र सन्तुलित खेल प्रदर्शन गरेका थिए। फाइनल खेल अत्यन्त रोमाञ्चक रह्यो जहाँ भिजनरी टिमले आत्मविश्वासका साथ खेल्दै निर्णायक क्षणमा उत्कृष्ट प्रदर्शन देखायो।
भिजनरी इन्ष्टिच्युसनका टिम म्यानेजर हरि कार्कीले उपाधि जितेपछि प्रतिक्रिया दिंदै भने:
“यो उपाधि हाम्रो टिमको निरन्तर मेहनत, खेलप्रतिको लगाव र एकताको परिणाम हो। विद्यार्थीहरूलाई खेलकुदमार्फत अनुशासन, समर्पण र नेतृत्व विकास गर्न प्रेरित गर्न हामी सदैव सक्रिय छौं। हामीले पाएको यो सफलता केवल जित मात्र होइन, भविष्यमा अझ ठूला उपलब्धिको ढोका हो।“
प्रतियोगिताका आयोजक प्रेम बहादुर बुढाले भने:
“भिजनरी इन्ष्टिच्युसनले जुन किसिमको खेल कौशल प्रस्तुत गर्यो, त्यो साँच्चै प्रशंसनीय छ। उनीहरूले खेलमा देखाएको अनुशासन, खेल भावना र एकताको भावनाले सम्पूर्ण प्रतियोगिता अझ प्रेरणादायी बनायो। यस्ता टिमहरू नै खेल क्षेत्रको उज्वल भविष्य हुन्।“
SEE तहका विद्यार्थीहरूलाई लक्षित गर्दै आयोजित यस 3×3 बास्केटबल प्रतियोगिताले विद्यार्थीहरूमा खेलकुदप्रतिको रुचि र आत्मविश्वासलाई नयाँ ऊर्जा दिएको छ।
#VisionaryInstitution #BasketballChampions #SEE3x3 #SaipalAcademy #HariKarki #YouthSports #KathmanduSports #NepalBasketball
