डडेल्धुरा – डडेलधुराको सभागेश्वर गाउपालिकामा रहेको कृषि शाखाले नियम विपरित कृषि पकेट कार्यक्रममा काम गरेको पाईएकोछ । प्रधानमन्त्री कृषि आधुनिकीकरण परियोजनाू अन्तर्गत कृषि प्याकेज कार्यक्रममा न्यूनतम क्षेत्रफल र संख्या निर्धारण गरिनुपर्ने। लक्षित समुदाय,वर्ग छनोट गरिनुपर्ने। तालिम र क्षमता विकास कार्यक्रम तथा उत्पादनमुखी कार्यक्रम सञ्चालन गरिनुपर्ने। अनुदान प्राप्त गर्न किसानसँग सझौता गरिनुपर्ने। मासिक, चौमासिक, वार्षिक प्रतिवेदन तयार पार्नुपर्ने भएता पनि कृषि शाखाले उक्त कार्यहरु नगरेको पाईएकोछ ।
उक्त कार्यक्रममा १२ लाख रुपैयाँ खर्च भइसकेको छ, जसमा प्याकेज नचलाई पटक–पटक कृषि उपकरण तथा बीउ विजन खरिद गरिएको छ। कार्यक्रम सञ्चालन नभई खर्च गरिएको देखिएकोछ। प्रतिवेदन त तयार पारिएको छ, तर अपेक्षित नतिजा प्राप्त नभएको देखिएको छ। म्यानुअल अनुसार कार्यक्रम नचलेको, प्याकेज निर्माण नभएको पुष्टि भएको महालेखा प्रतिवेदन देखाएकोछ ।
कार्यक्रम म्यानुअल बमोजिम नचलेको। खर्चबाट अपेक्षित परिणाम नआएको। परिणाममुखी कार्यान्वयन गर्न निर्देशन दिनुपर्ने महालेखा प्रतिवेदनले सुझाव दिएकोछ ।
