डडेल्धुरा: डडेल्धुरामा यस चालु आ.व मा श्र्म स्विकृती(पूनः श्रम स्विकृती) लिनेको संख्या दुई हजार १ सय ९४ रहेकोछ । पछिल्लो समयमा डडेल्धुरामा बैदेशिक रोजगारमा जानेको संख्या बढेको तथ्याङ्कले देखाएको छ ।
बिहीबार सुरक्षित आप्रवासन (सामी) कार्यक्रम अन्तर्गत डडेलधुराको अमरगढी नगरपालिकाले सञ्चारकर्मीसँग गरेको अन्तरक्रियामा यो तथ्यांक सार्वजनिक गरिएको हो । कार्यक्रममा बोल्दै अमरगढी नगरपालिकाका रोजगार संयोजक लक्ष्मीप्रसाद अवस्थीले वैदेशिक रोजगारीको नाममा ठगी, कानुनी अन्योल र दलालको जालो झेलिरहेका युवाको संख्या बढ्दै गएको बताए । उनले वैदेशिक रोजगारीसँग सम्बन्धित सूचना र सेवाको पहुँच गाउँबस्तीसम्म पुर्याउन जरुरी रहेको धारणा राखे । सामी कार्यक्रमका अधिकृत विष्णु अर्यालले सूचनाको अभावले धेरै नेपाली विदेशमा पीडित बन्ने गरेको उल्लेख गर्दै कार्यक्रममार्फत कानुनी सेवा, सीप विकास तालिम, मनोसामाजिक परामर्श र वित्तीय साक्षरतासम्बन्धी सेवा दिइँदै आएको जानकारी दिए । वैदेशिक रोजगारलाई सुरक्षित बनाउन तीनै तहका सरकारबीच सहकार्य अपरिहार्य रहेको उनको भनाइ थियो ।
बैदेशिक रोजगार सम्बन्धि उजुरीको संख्याः
डडेल्धुराः नेपालमा बैदेशिक रोजगार सम्बन्धि उजुरी बढदै गएको पाईएकोछ । पछिल्ला पाँच बर्षको उजुरी संख्या हेर्दा बर्षेनी उजुरीहरु बढदो क्रममा रहेको पाईएकोछ । आ.व. २०७६।०७७ मा १२५१ उजुरि परेकोमा आ.व. ०७७।०८८ मा ११३७, आ.व. ०७८।०७९ मा ३१४९, आ.व. ०७९।८० मा ४४६४, आ.व. ०८०।०८१ मा ४३५८ उजुरी परेको तथ्याङकले देखाएकोछ ।
