डडेलधुरा — सात पालिका रहेको डडेल्धुरा जिल्लाका तीन किसानलाई कृषि तथा पशुपालन क्षेत्रमा पुर्याएको योगदानको कदर स्वरूप ‘भीमदत्त उत्कृष्ट कृषक पुरस्कार’ प्रदान गरिएको छ । आज (आइतबार) राष्ट्रिय धान दिवसका अवसरमा उनीहरूलाई २५ हजार नगदसहित सम्मान गरिएको हो ।
कृषि ज्ञान केन्द्र डडेलधुराले आयोजना गरेको कार्यक्रममा गन्यापधुरा गाउँपालिका २ का रविन्द्र माली, अजयमेरू गाउँपालिका १ की चन्द्रकुमारी ओझा र परशुराम नगरपालिका ११ का मिलन घिमिरेलाई जनही २५ हजार रुपैयाँसहित सम्मान प्रदान गरिएको हो कृषि ज्ञान केन्द्र डडेल्धुराका प्रमुख नरेन्द्र पनेरुले जानकारि दिएका छन् ।
पुरस्कृत कृषकले स्थानीय स्तरमा उदाहरणीय काम गरेको पनेरुले बताए । कृषि र पशुपालन दुवै क्षेत्रमा नवप्रवर्तनशील अभ्यास गरेर अरूका लागि प्रेरणाको स्रोत बनेको उनको भनाई रहेकोछ ।
डडेल्धुरामा हरेको बर्ष यो पुरस्कार दिईने गरिएकोछ । यसले किसानहरुलाई प्रेरणाका साथै हौसला मिल्ल्ने गरेकोछ । यो पुरस्कार किसानहरुलाई हौसला प्रदान होस भन्ने हेतुले विगत ३ बर्ष देखि निरन्तर प्रदान गर्दै आएको पनेरुको भनाई रहेकोछ । कृषकहरु उक्त पुरस्कार पाउदा खुशी भएका छन् ।
