भिजनरी इन्स्टिच्युसन, जोरपाटी — दोस्रो नामी SEE 3X3 बास्केटबल प्रतियोगिता २०८२ मा प्रथम रनरअप, जोरपाटीको शान बनेको टोली
जोरपाटी, काठमाडौं |
जोरपाटीको शैक्षिक र खेलकुद क्षेत्रको नाम उज्यालो बनाउँदै आएको भिजनरी इन्ष्टिच्युसन, जोरपाटी ले हालै सम्पन्न २औं नामी SEE 3X3 बास्केटबल प्रतियोगिता – २०८२ मा प्रथम रनरअप (1st Runner-up) बन्न सफल भएको छ। टिमले देखाएको समर्पण, अनुशासन र उत्कृष्ट समन्वयले सम्पूर्ण जोरपाटीबासीको मन जितेको छ।
प्रतियोगिता काठमाडौंको विभिन्न विद्यालय तथा इन्स्टिच्युसनबीच आयोजना गरिएको थियो, जहाँ प्रतिस्पर्धा निकै कडा र रोमाञ्चक रह्यो। तर यि सबै चुनौतीहरू पार गर्दै भिजनरी इन्ष्टिच्युसनको टोलीले आफ्नो प्रदर्शनबाट दर्शकदेखि निर्णायकसम्म सबैलाई प्रभावित पार्न सफल भयो।
प्रशिक्षक, म्यानेजर र खेलाडीहरूको योगदान अविस्मरणीय
यस सफलताको मूल कारण थियो प्रशिक्षक विषाल लामा को अनुभव र रणनीतिक निर्देशन। खेलाडीहरूलाई मानसिक, शारीरिक र सामूहिक रूपमा तयार पार्न उनले खेलेको भूमिका प्रशंसनीय छ।
टिम म्यानेजर हरि कार्की को व्यवस्थापन, प्रेरणा र समर्पणले टोलीलाई सधैं एकतामा बाँधेर अगाडि बढायो। उनले प्रतियोगिता भरि टिमको आवश्यकता अनुसार सबै कुरा व्यवस्थापन गर्दै टिमलाई सम्पूर्ण सहयोग पुर्याए।
यी हुन् भिजनरी इन्स्टिच्युसनको चम्किला तारा:
-
प्रदीन बोहरा
-
दिवास मगर
-
रोहन महत
-
क्रिश ओली
-
दिपेन्द्र भुजेल
-
दिपेश गल्यस्तान
-
आयुष पुलामी मगर
यी युवाहरूले कोर्टमा केवल खेल मात्र खेलेनन्, उनीहरूले जोरपाटीको सम्मान र गौरव पनि बोक्न सफल भए।
“Best Basketball Team of Jorpati – 2082” को उपाधि, भिजनरीलाई नै
प्रतियोगिताको अन्त्यमा आयोजक संस्थाले भिजनरी इन्ष्टिच्युसनलाई “Best Basketball Team of Jorpati – 2082” उपाधिले सम्मानित गर्यो। यसले भिजनरीको बास्केटबल क्षेत्रमा बढ्दो प्रभावलाई अझ पुष्टि गरेको छ।
स्थानीय बासिन्दा, अभिभावक तथा शैक्षिक समुदायले टिमलाई बधाई ज्ञापन गर्दै भविष्यमा अझ ठूलो सफलता हासिल गर्ने विश्वास व्यक्त गरेका छन्।
खेलकुद र शिक्षा दुबैमा उदाहरणीय संस्था
भिजनरी इन्ष्टिच्युसन, जोरपाटी न केवल शिक्षा तर खेलकुदमा पनि उदाहरणीय बन्न थालेको छ। यस संस्थाले विद्यार्थीहरूलाई सबै प्रकारका विकासको अवसर प्रदान गर्दै आएको छ। बास्केटबलमा हासिल यो सफलताले अझ धेरै विद्यार्थीहरूलाई खेलकुदप्रति प्रेरित गर्नेछ भन्नेमा कुनै शंका छैन।
👉 थप फोटो, भिडियो र अपडेटको लागि हेर्नुहोस्: [www.khabardarinews.com]
