डडेल्धुरा: डडेल्धुराको भागेश्वर गाँउपालिका २ लेकुडाका दुई दीदीबहिनीले नेपाल विद्युत प्राधिकरणको सेवामा नाम निकालेका छन् । दिदी बगामती जोशीले २०७९ सालमा निजामती सेवामा प्रवेश गरेकी थिईन भने उनकी बहिनी गण्डकी जोशीले २०८२ सालमा नेपाल विद्युत प्राधिकरण सेवामा नाम निकालेकी छिन् । आमा यसोदा देवी जोशी र बुबा नवराज जोशीको कोख बाट बागमती जोशीको जन्म वि.सं. २०५३ भदौ २० गते भएको थियो भने, गण्डकीको जन्म वि.सं. २०५५ चैत्र २८ गते भएको थियो । दुबै दिदीबहिनीले आधारभूत तहको शिक्षा गाउँकै विद्यालय भागेश्वर आधारभूत विद्यालय लेकुडा बाट गरेका थिए ।
बागमतीले पहिलो पटक लोकसेवा आयोगको दरखास्त २०७६ सालमा भरिन, त्यस समयमा कोरोना कहरको भएकाले परिक्षा मिती नै सरेको र आफुले तयारि निरन्तर गरिरहेको साथै त्यस समयमा रुडुक डडेल्धुरामा काम गरेको आफ्नो अनुभव खबरदारी न्युजलाई बताईन् । दुर्गम वस्तीमा आफुले काम गर्दै गर्दा आफुले अनलाईन मार्फत तयाारिलाई तिव्रता दिएको र २०७६ सालको दरखास्तमा २०७८ सालमा परिक्षा हुदाँ पहिलो प्रयासमै सफल भएको उनले बताईन् ।
यस्तै उनकी बहिनी गण्डकी जोशीले पनि यसै बर्ष निजामती सेवामा प्रवेश गरिन । उनी नेपाल विद्युत प्राधिकरणको महिला कोटामा पहिलो नंम्बरमा नाम निकाल्न सफल भएकी हुन् । दुबै दीदीबहिनीले पहिलो प्रयासमै लोकसेवामा नाम निकालेको गण्डकी जोशीले बताईन् ।
उनका बुबा प्रा.वि शिक्षक हुन् भने आमा कृषक हुन् ।
