डोटी — दिपायल सिलगढी नगरपालिका(४ स्थित बेडखोल्लेस्थित सडकमा बुधबार सवारी दुर्घटना भएको छ । रेडियो नेपालबाट पिपल्लातर्फ जाँदै गरेको सु.प.प्र.०१००१ ह ३४०६ नम्बरको अटो अनियन्त्रित भई सडकबाट करिब २ मिटर तल खस्न पुगेको हो।
दिपायल सिलगढी न.पा. वडा नं. ४, राजपुरका अटो चालक रमेश दमाई (४० वर्ष), घाइते भएका छन् । अटोमा सवार अन्य ५ जनासहित ६ जना घाइते भएका हुन् । घाइतेहरूलाई तत्काल शैलेश्वरी अस्पताल, पिपल्ला दिपायलमा उपचारका लागि लगिएको थियो । हाल सबै घाइतेहरूको अवस्था सामान्य रहेको जानकारी प्राप्त भएको छ । यस घटनाको सम्बन्धमा प्रहरीले थप अनुसन्धान गरिरहेको छ ।
