क्यान्सरसँग लडिरहेका डडेल्धुराका व्यापारी महराको निधन भएकोछ ।
डडेल्धुराः डडेल्धुरामा होटल व्यवासायमा सकृिय रहेका हर्क महराको शनिवार निधन भएकोछ । विगत दुई वर्ष देखि क्यान्सर सँग लडिरहेका डडेल्धुराका व्यापारी महराको उपचारक ैक्रममा मृत्यु भएकोछ । ४५ वर्ष उमेर कटेका उनको आज (शनिबार) निधन भएको एक पारिवारिक सदस्यले जानकारी दिए ।
जिल्लाको गन्यापधुरा गाउँपालिका– १ चिरा निवासी उनले सदरमुकाममा विगत लामो समयदेखि सम्बन्ध होटल सञ्चालन गरिरहेका थिए । तर, दुई वर्षअघि भने उनी जिब्रोको क्यान्सरबाट पीडित बने । त्यसपछि नेपालका विभिन्न अस्पतालमा उपचार गराइसकेका उनलाई परिवारले किमो गर्न जान सजिलो होला भनेर कञ्चनपुरमा राखेको थियो । अचानक उनको स्वास्थ्य अवस्था बिग्रीएपछि उपचारका लागि भारत लग्दै गर्दा उनको निधन भएको बताइएको छ ।
बागबजारमा २ दशकअघि उनले सुरु गरेको सम्बन्ध होटल जिल्लामै चर्चित होटल हो । पछिल्लो समय भने महराले जिल्ला प्रहरी कार्यालय अगाडि रहेको आफ्नै घरमा होटल चलाइरहेका थिए ।
