डडेल्धुराः डडेल्धुरा जिल्लाको भागेश्वर गाउँपालिका वडा नंम्बर ४ बगरकोटमा रहेको कैलपाल वस्त्रालयमा हिजो(शनिबार) राती आगलागी भएको छ । स्थानीय प्रेमराज चटौतले सञ्चालन गरेको उक्त वस्त्रालयमा राती ८ वजे लागेको आगो ९ः१५मा स्थानीय तथा प्रहरीको सक्रयतामा नियन्त्रणमा आएको प्रहरीले जनाएको छ ।
प्रहरी चौकी बगरकोटका प्रहरी सहायक निरिक्षक भान सिं धामीले कपडाका थान तथा अन्य गरी कुल ५४ लाख,२हजार ८० रुपिया वरावरको धनमाल जलेर नस्ट भएको वताए । आगलागीको कारण खुल्न नसकेपनि विद्युत सर्ट भएर आगलागी भएको हुन सक्ने प्रहरीको अनुमान छ ।
