संयुक्त राष्टसङ्घीय बाल कोष ९यूनिसेफ० ले सुडानमा ३० लाखभन्दा बढी मानिसहरु हैजाको जोखिममा रहेको जनाएको छ । यूनिसेफले पाँच वर्ष मुनिका छ लाख बालबालिकासहित झन्डै ३० लाख मानिस हैजाको जोखिममा रहेको सामाजिक सञ्जाल एक्स अर्थात् ट्वीटरमार्फत जनाएको हो ।
युनिसेफका अनुसार सुडानमा सन् २०२३ अप्रिलमा भएको आन्तरिक द्वन्द्वका कारण अत्यावश्यक खोपको उपलब्धता ८५ प्रतिशतबाट घटेर झन्डै ५० प्रतिशतमा झरेको छ । द्वन्द्व प्रभावित क्षेत्रका ७० प्रतिशतभन्दा बढी अस्पतालहरु बन्द रहेको तथा अग्रपङ्क्तीमा रहेर स्वास्थ्य सेवा प्रधान गर्ने स्वास्थ्य अधिकारीलाई महिनौँदेखि तलब भुक्तानी नगरिएको पनि यूनिसेफले जनाएको छ ।
आन्तरिक द्वन्द्व शुरु भएदेखि हैजा, मलेरिया र डेङ्गुु ज्वरोजस्ता महामारी रोगहरू फैलिदा सयौँको ज्यान गएको छ । सुडानको स्वास्थ्य मन्त्रालयले अगस्टमा देशमा हैजाको प्रकोप घोषणा गर्दै द्वन्द्व र अशुद्ध पानीको प्रयोग तथा बिग्रिदो वातावरणीय अवस्था हैजा फैलावटको कारण भनेको थियो । -उज्यालो खबर बाट साभार
