डडेल्धुराः डडेल्धुरामा लागु औषध नियन्त्रण सम्बन्धि सचेतनामुलक कार्यक्रम गरिनु लागिएकोछ । किंग्स युथ क्लव डडेल्धुराको आयोजना र तारागाउँ रिजेन्सी होट्लस्को प्रर्बद्धन तथा खबरदारी न्युज र जिल्ला प्रहरि कार्यालय डडेल्धुराको सहकार्यमा कार्यक्रमको आयोजना गरिने क्लवका अध्यक्ष गणेश देउबाले जानकारि दिएका छन् । पछिल्लो समयमा युवाहरु लागुऔषधको लतमा फस्ने क्रम बढि रहेकाले युवाहरुलाई सचेत गराउनुका लागि कार्यक्रमको आयोजना गरिन लागेको देउवाले बताएका छन् । कार्यक्रम पहिलो चरणमा डडेल्धुराको भिमदत्त बहुमुखी क्याम्पसमा गरिनेछ भने विस्तारै अन्य क्याम्पसहरुमा पनि गरिने आयोजकले जनाएकोछ ।
