कञ्चनपुर । बिहिवार कञ्चनपुर जिल्लाको पुनर्वास नगरपालिका १० मा देखिएको सलहको झुन्ड आज शुक्लाफाँटा नगरपालिकामा प्रवेश गरेको छ ।
आज बिहानै देखि वडा नम्बर १२ लगाएतका आसपासका हजारौको संख्यामा सलहको झुण्ड देखा परेको त्यहाँका स्थानीय सुमन हर्क खत्रीले बताए ।
उनका उनुसार ठुलो मात्रामा खेतबारीमा सलहको झुण्ड पसेपछि खेतमा लगाएको धान समेत नष्ठ गरेको जनाएको छ । यसरी वर्षभरिको लागी खानको लागी रोपेको धान सखाप पारेभरि यस बर्ष भोकमरी हुने किसानहरुले बताए छन ।
ठुलो संख्यामा सलह किरा प्रवेश गरेपछि आफूहरू त्रासमा बसेको बताउँदै यसमा सरकारले बेलमै पहल चाल्नुपर्ने समेत बताएका छन ।
