काठमाडौँ — सौर्य एयरलाइन्सका विमान चालक मनिष रत्न शाक्यको उद्धार गरिएको छ । बुधबार काठमाडौंबाट पोखरा उड्ने क्रममा सौर्य एयरलाइन्सको ९-एन-एएमई कलसाइन रहेको सौर्य एयरलाइन्सको जहाज विमानस्थल परिसरमै दुर्घटनामा परेको हो । सिनामंगलस्थि केएमसी शिक्षण अस्पतालमा चालक शाक्यको उपचार भइरहेको प्रहरीले जनाएको छ । शाक्य झन्डै २०१४ देखि सौर्य एयरलाइन्समा आबद्ध रहेका चालक हुन् । त्यसअघि उनी तत्कालीन सिम्रिक एयरलाइन्समा आबद्ध थिए ।
