सेती प्रादेशिक अस्पतालको प्रयोगशालामा गरिएको परीक्षणमा आज ३० जनामा कोरोना पुष्टि भएको छ ।
पछिल्लो २४ घण्टामा २०२ नमूना परीक्षण गर्दा १४ महिला र १६ पुरुष गरी ३० जनामा कोरोना संक्रमण पुष्टि भएको हो ।
अस्पतालका सूचना अधिकारी दिलिपकुमार श्रेष्ठका अनुसार धनगढी उपमहानगरपालिकामा १३, कैलालीको गोदावरी नगरपालिकाका ३ जना, घोडाघोडीका नगरपालिकामा १ जनामा संक्रमण पुष्टि भएको छ ।
यस्तै, कञ्चनपुरको भिमदत्तका ५ जना, शुक्लाफाँटाका ३ जनामा संक्रमण पुष्टि भएको छ । त्यस्तै दार्चुला २ डडेल्धुरा, बैतडी, बझाङका एक/एक जनामा पनि कोरोना संक्रमण पुष्टि भएको अस्पतालले जनाएको छ ।
