धनगढी- अब प्रत्येक वडामा वडा स्तरीय बाल क्लब गठन गर्ने भएको छ । सोही कार्यक्रम अनुरूप नगरका सामुदायिक तथा निजी विद्यालय सङ्ग सहकार्य गर्दै अघि बढ्ने सञ्जालका उपाध्यक्ष लक्ष्मी जोशीले जानकारी दिए। वडामा रहेको विद्यालयबाट सम्बन्धित वडाका-५ जना बालबालिका सिफारिस गरिएका र इच्छुक बालबालिकालाई वडा कार्यालयको सहकार्यमा अलग अलग मितिमा सम्बन्धित वडाको वडा स्तरीय बाल क्लब गठन गरिने बताइएको छ।
विभिन्न क्रियाकलापमा बालबालिकालाई प्रत्यक्ष रुपमा सक्रिय गराइ बालबालिकाका समस्या पहिचान गरि त्यसको समाधानको लागि कदम चाल्ने उद्देश्यले वडा स्तरीय बाल क्लब गठन गरिरहेको नगर बाल सञ्जालका अध्यक्ष विजयराज जोशीले जानकारी दिए ।
उनले भने “बिभिन्न प्राकृतिक तथा कृत्रिम सङ्कटमा बालबालिकालाइ बढी जोखिम हुने हुदा त्यस्ता जोखिम न्यूनीकरणका लागि अपनाउन सकिने क्रियाकलाप र सामूहिक काममा बालबालिकाको भूमिकालाई अग्रसर गराउन यस्ता क्लब बनाउनु आवश्यक पर्ने हुँदा यस्तो कदम उठाएका हौं।”
धनगढी भित्रका सम्पूर्ण वडाका बालबालिकाको सक्रिय भूमिका र बडा कार्यालयको साथसहयोग रहोस भन्दै नगर बाल सञ्जाल धनगढी अनुरोध गरेको छ ।
