धनगढी, १३ पुस । कोरोना संक्रमणको जोखिमका कारण गएको चैतदेखि बन्द धनगढीको एसटिएस सिनेमा हल सञ्चालनमा आएको छ ।
व्यापार व्यवसाय, विद्यालय, कलकारखाना, यातायात खुले पनि सिनेमा हल नखुलेको अवस्थामा सोमवारदेखि एसटिएस सिनेमा हल खुलेको हो । एसटिएस सिनेमाका सञ्चालक राजकुमार श्रेष्ठले हल सोमदेखि खोलेको जानकारी दिए ।
विश्व स्वास्थ्य संगठन र नेपाल सरकारको निर्देशन तथा स्वास्थ्य मापदण्ड अनुसार नै सिनेमा हल खुलेको हो ।
हलमा छिर्ने बेला भीडभाड हुन नदिने, स्वास्थ्य सुरक्षाका मापदण्ड पालना गरेर मात्रै हलमा प्रवेश गर्ने वातावरण मिलाएको श्रेष्ठले बताए ।
