सशस्त्र प्रहरीले कैलालीको विभिन्न स्थानबाट दुई लाख ८० हजार रुपैयाँ मूल्य बराबरको सामान बरामद गरेको छ ।
भारतबाट अवैध रुपमा ल्याइएका सामानहरु सशस्त्र प्रहरी बल नेपाल नम्बर ३४ हेडक्वार्टर कैलाली र सो मातहतका बीओपीले बरामद गरेको हो । हार्डवेयर, किराना पसल लगायतका सामान बरामद भएको जनाइएको छ ।
भन्सार छलेर अवैध रुपमा भित्र्याइदै गरेको अवस्थामा सशस्त्र प्रहरीले सामान बरामद गरिएको थियो । बरामद सामान आवश्यक कारबाहीका लागि कैलाली भन्सार कार्यालय र सत्ती भन्सार कार्यालयमा बुझाएको ३४ नम्बर गण हेडक्वार्टरले जानकारी दिएको छ ।
