गुल्मी- पैसा कमाउन युवाहरु खाडी लगायत अन्य मुलुक जाने प्रचलन छ । तर कतिपय युवाहरु भने विदेशबाट फर्किएर स्वदेशमै विभिन्न व्यवसायमा जुटेका छन् ।
गुल्मीको रेसुङ्गा नगरपालिका–७ का स्थानीय नवराज मरासिनी, तेजबहादुर पुन र रघुनाथ पन्थी मिलेर सामूहिक रुपमा बाख्रापालन गरेका हुन् ।
नवराज मरासिनी कतारमा र तेजबहादुर पुन दुबइमा ५/५ वर्ष बसेर नेपाल फर्किएका हुन् । रघुनाथ पन्थी भने स्थानीय समाजसेवी हुन् ।
उनीहरु मिलेर ३ वर्ष पहिलेबाट बाख्रापालन सुरु गरेका हुन् । ५ लाख लगानीमा २० वटा बाख्राबाट व्यवसाय सुरु गरेका उनीहरुको बाख्रा अहिले ५२ वटा पुगेका छन् ।
उनीहरुले लोकल खरी र बोयर जातका बाख्रापालेका हुन् । उनीहरुले सुरु गरेको बाख्रापालन व्यवसायमा स्थानीयले रोजगारी समेत पाएका छन् । अहिले जिल्लामा धेरै मनिस हरु ले बाख्रापालन गर्दै अाएका छन्।
