गृहमन्त्रालयले शुक्रबार १८ जना प्रमुख जिल्ला अधिकारी (सिडिओ) को सरुवा गरेको छ । गृहमन्त्री रामबहादुर थापाको अध्यक्षतामा शुक्रबार बसेको मन्त्रीस्तरीय बैठकले सिडिओहरुले सरुवा गरिएको गृहमन्त्रालयद्वारा जारी सूचनामा उल्ल्लेख छ ।
सार्वजनिक सरुवाको सूचीअनुसार ललितपुरको सिडिओमा गृह मन्त्रालयबाट ढुण्डीप्रसाद निरौलालाई पठाइएको छ । ललितपुरका नारायणप्रसाद भट्ट प्रदेश नम्बर ३ को सचिवमा सरुवा गरिएको छ ।
धनकुटाका प्रमुख जिल्ला अधिकारी केशवप्रसाद बिमलीको महोत्तरी, धनकुटामा गृहमन्त्रालयबाट बासुदेव दाहाल, रामेछापकी रुद्रादेवी शर्मालाई गुल्मी, पाँचथरका अर्जुनकुमार शर्माको रामेछाप, खोटाङका शालिग्राम शर्मा पौडेललाई गृह मन्त्रालय सरूवा गरिएको छ।
यसैगरी, महोत्तरीका कृष्णबहादुर कटुवालको कारागार झुम्का, भोजपुरका वसन्तराज पुरीलाई इलाका प्रशासन कार्यालय इटहरी, पुण्य ढकाललाई पाँचथर पठाइएको छ।
