धनगढी – धनगढी को शिवपुरी धाम परिसर भित्र नव युवा सञ्जालका युवाहरुले सरसफाइ कार्यक्रम आयोजना गरेकाे छ । युवा अभियन्ता रिदम रोकाया को संयोजकत्व मा सञ्चालन गरिएको कार्यक्रमको मूल एजेण्डा बिहे गरेर जाऊ,फोहोर गरेर होइन, सभ्य नागरिकको परिचय दिउँ भन्ने थियो ।
शिवपुरी धाममा बिबाह गर्नको घुइँचोले गर्दा शिवपुरी परिसर जताततै फोहोर देखिने र घुम्न आउने व्यक्तिमा पनि नराम्रो प्रभाव पर्ने भएकाले नव युवा सञ्जाल ले सरसफाइ कार्यक्रमको आयोजना गरेको संयाेजककाे भनाइ छ।
आजको सरसफाइ ले सधैंभरि शिवपुरी परिसर सफा नरहे पनि हामीलाई सरसफाइ गरिरहेको देख्ने व्यक्तिले सरसफाइ गर्न नसकेपनि कमसेकम फोहोर त नगर्ला भन्ने आशा साथ यो कार्यक्रम आयोजना गरेको कार्यक्रम संयोजक रोकायाले बताउनुभयो।
आगामी दिनमा पनि यसरी नै विभिन्न क्षेत्र मा विभिन्न प्रकारका सामाजिक कार्यक्रम आयोजना गरिने र त्यसमा सम्पूर्ण युवाको साथ र सहयोग को अपेक्षा रहने संञ्जालका सदस्यहरुकाे भनाइ रहेकाे छ ।
