धनगढी । धनगढीको क्याम्पस गेट हुदै चटकपुर सडकको आज सिलन्यास गरिएको छ । बहुप्रतिक्षित क्षेत्रीय शहरी विकास आयोजना अन्तर्गतका सडकहरुको निर्माण कार्य बिहीबार बाट सुरु भएको छ ।
परियोजनाको नगरप्रमुख नृपबहादुर वड र उप–प्रमुख सुशीला मिश्र भट्टले क्याम्पस गेट– चटकपुर सडकको शिलन्यास गरेसंगै सडक निर्माणको काम अगाडी बढेको छ । पहिलो चरणमा ७ वटा सडकहरुको निर्माण हुने र दोश्रो चरणमा निर्माण हुने सडकहरुको टेन्डर प्रकृयाका लागि काम अगाडी बढाइएको नगरप्रमुख वडले बताए ।
उनले सडक साँघुरो हुँदा नगरबासीलाइ नै आवतजावतमा समस्या हुने र दुर्घटना बढी हुने हुदा सडक क्षेत्रधिकार भित्रका संरचना हटाएर सडक बिस्तारमा सहयोग गर्न समेत नगरवासीमा आग्रह गरेका छन ।
