अमरगढि ,डडेल्धुरा – डडेल्धुरामा कोरोना संक्रमित एक जना बृद्धाको मृत्यु भएको छ। जिल्लाको अमरगढी–५ बस्ने ६० वर्षीय बृद्धाको सोमबार मृत्यु भएको स्वास्थ्य कार्यालय डडेल्धुराले जनाएको छ।
सोमबार मृत्यु भएको र परिवारले कोरोनाको आशंका गरेर शव उठाउन आनाकानी गरेपछि कोरोना जाँच गर्दा उनको रिपोर्ट पोजेटिभ आएको डडेल्धुराका कोभिड–१९ सम्पर्क व्यक्ति हरि भट्टले जानकारी दिए। उनी बिगत केहि दिनदेखि बिरामी भएको बताइएको छ।
मृतक महिलाको शव व्यवस्थापनको तयारी गरिरहेको डडेल्धुराका प्रहरी नायव उपरीक्षक महेन्द्र नेपालले जानकारी दिए।
