डडेल्धुरा – डडेल्धुरामा थप एक कोरोना संक्रमितको मृत्यु भएको छ । डडेल्धुरा अस्पतालको आइसोलेनमा उपचाररत अमरगढी नगरपालिका–५ की ८५ वर्षीया वृद्धाको आइतबार बिहान निधन भएको हो ।
निमोनिया तथा छातीको समस्याले ग्रसित रहेकी ती वृद्धामा केही दिनअघि कोरोना संक्रमण पुष्टि भएको थियो । डडेल्धुरा अस्पतालको प्रयोगशालामा परीक्षण गर्दा कोरोना देखिएपछि अस्पतालमा भर्ना गरिएको थियो ।
उनको शव सेनाले व्यवस्थापन गर्ने तयारी गरिरहेको स्वास्थ्य कार्यालय डडेल्धुराका कोभिड–१९ सम्पर्क व्यक्ति हरिप्रसाद भट्टले जानकारी दिए।
योसँगै जिल्लामा कोरोनाबाट मृत्यु हुनेको संख्या तीन पुगेको छ। यसअघि नवदुर्गा गाउँपालिकाका र परशुराम नगरपालिकाका एक–एक पुरुषको कोरोनाका कारण ज्यान गएको थियो।
युनिटि खबर बाट साभार गरिएकाे
