कैलालीको अत्तरियामा ‘जेसिज सप्ताह संयुक्त’ कार्यक्रम सुरु भएको छ । अत्तरिया जेसिज वर्ष २०२० र अत्तरिया जुनियर जेसिजको संयुक्त आयोजनमा जेसिज सप्ताह सुरु भएको हो । शुक्रबार उद्घाटन एवम् अनुभव आदान–प्रदान कार्यक्रमको आयोजना गरी सप्ताह सुरु गरिएको छ ।
अत्तरिया जेसिज वर्ष २०२० का अध्यक्ष प्रमोद अधिकारीको सभापतित्वमा आयोजित कार्यक्रमका सहभागीहरुलाई नेपाल मानव सेवा आश्रमका सञ्चालक रामजी अधिकारीले आफ्ना अनुभव बाँडेका थिए । कार्यक्रमको प्रमुख अतिथिका रुपमा गोदावरी नगरपालिकाकी उपप्रमुख रत्ना कडायत रहेकी थिईन ।
कार्यक्रममा बोल्दै उनले जेसिजले युवाहरुको नेतृत्व क्षमता अभिवृद्धि गर्ने गरेको बताईन । ‘जेसिजले युवाहरुको नेतृत्व विकाशको क्षेत्रमा काम गर्ने गरेको छ’ उनले भनीन् ‘समाज र देश परिवर्तनका लागी युवावर्गलाई अगाडी बढाउन आवश्यक छ, जुन जेसिजले गर्दै आईरहेको छ ।’
विगतका दिनदेखि नै जेसिजले समाजमा सरकारले नगरेका कार्यहरु समेत गर्दै आएकाले जेसिजलाई नगरपालिकाको तर्फबाट भरपुर साथ र सहयोगका लागि आफू तत्पर रहेको उनले बताईन ।
